李河璘留港攻內地

韓國女歌手李河璘今年全力留港發展，推出了新碟的她日前就到愉景灣拍攝MV，還請來身形健碩的馬來西亞藝人戴祖雄任男主角演情侶，初次見面就要拍攝親密鏡頭，李河璘指：「因為今日係第一次見男主角，開始要拍愛情嘅戲份都覺得好尷尬，有擁抱嘅鏡頭。我知佢係馬來西亞人，佢好親切好友善，拍咗大半日大家都熟咗啲，就無咁尷尬。」

開心同戴祖雄拍MV

拍攝當日，兩人更要早上五時準備，一直拍攝到太陽下山，但依然表現精靈，李河璘說：「因為拍MV好開心，一啲都唔覺得眼瞓，頭先有啲瞌眼瞓嘅戲份，我有趁機瞓咗陣補眠，所以依家好精神。我最辛苦係以前喺Girl group啱啱出道時，試過連續36小時冇得瞓，就連落妝嘅時間都冇，只有不斷喺舊妝上面化新妝轉Look。」

談到發展大計，她說：「已經決定咗今年會以香港作為基地，出碟之後就會好多宣傳活動，我本身都好鍾意香港同中國，想打開呢度嘅市場，同香港唱片公司簽咗約，下一步就係中國大陸嘅市場。」另又指想與香港男仔做朋友，直言：「如果搵到香港男仔做男朋友仲可以教我廣東話。」

文：名人組