黎耀祥養生 調節接job

黎耀祥日前為健康食品擔任代言人,祥仔坦言到了這個年紀,都要注意健康,除了食健康產品外,平日他都勤做運動,他說:「唔使開工我都會做運動,好似呢排我都日日游水、跑步,飲食方面都好清淡,平時唔使出去食飯,喺屋企都係食菜多。」問到會否為健康減產時,他坦言都會作適當的調節,他說:「唔會好似以前咁一劇接一劇,想有個好啲狀態,嚟緊都會試新嘢,拍電影同返內地做騷。」

祥仔拍的劇連續五、六年成台慶劇,問會否今年是《梟雄》時,他謂:「係都開心,呢個組合好難得,而且拍時大家好落力,希望有好收視。」