姜麗文哭認掟煲 鄭俊弘：和平分手
藝人姜麗文與哥哥姜文杰前晚出席活動，談到早前鄭俊弘（Fred）出席活動時，講到與姜麗文年幾沒聯絡，麗文表示：「我哋分開咗好耐。（咩原因分手？）原因唔講，過咗咁耐。大家向前看，唔好再估我哋係咪一齊定分手，大家都經歷過，知道唔容易嘅。」期間麗文哽咽，一度轉身試忍淚水，之後再回頭說：「畀啲空間我哋。」並忍不住落淚，最後轉身離開。
問姜文杰是否知內情？他說：「我都冇見Fred，不過遲吓會喺陸駿光婚禮上見。（安慰妹妹？）唔使安慰，咁大個。」再問麗文有否與Fred聯絡？她稱：「好耐冇聯絡，不過仲係family。」
艾威感激朋友
Fred昨午現身電台宣傳，問及麗文哭稱跟他已分手，Fred說：「係分開咗一段日子，期間冇咩聯絡。我哋係和平分開。（再見亦是朋友？）現階段我哋大家都係為事業努力，專心做好工作先。」
另外，前晚與姜麗文同場的艾威，其妻早前子宮生瘤，現時情況已穩定，艾威說很多朋友提出借錢給他照顧老婆：「好多，多到嚇一跳，過兩日講個數字畀大家知。」
文：名人組