（1）麥明詩搞gag搶票　網民讚認真

《2015香港小姐競選》將於30日舉行決賽，《東網巨星》App全力支持並於Facebook內舉行《港姐任你Like》收集民意選出「民選港姐」，投票現時已進入第三階段「最佳自編自導自演」，由佳麗自拍短片讓網民畀Like。自拍短片由前日中午投票至今，繼續由大熱佳麗A麥明詩以310個Likes領先，網民留言大讚麥明詩連野餐自拍短片也認真製作，一貫她「十優狀元」做事認真的作風，麥明詩昨日受訪時表示：「自己喺英國都經常同朋友野餐，條片拍咗兩三個鐘，當時真係幾熱，所以講吓冷笑話降溫。（製作好認真？）參選後好耐冇見班朋友，所以順便聚聚，拍攝過程都好開心，今次好用心去拍，希望大家感受到我嘅熱誠，大家記得畀Like。」

(5)林凱恩展廚藝

(5)林凱恩（Iris）自拍下廚兼出動「特別嘉賓」拉票，她笑說：「由細到大都跟媽咪下廚，雖然試過食到自己腸胃炎，相信係腸胃敏感，自己對廚藝有信心。短片仲有我隻狗仔出現，佢性格好似我，我哋感情好深厚。」

吳佩欣以型格路線演繹首飾，獲麥明詩支持。	龐卓欣笑言已睇中母親的珍藏首飾。	陳靜儀平日最愛打書釘和食雪糕。

(10)陳靜儀則帶大家「漫遊銅鑼灣」，她說：「片裏面都係我平時最鍾意做嘅嘢，好似打書釘、食雪糕，自己去旅行會拍片，扮到好似旅遊節目咁，所以今次拍片都得心應手。」

林凱恩對自己的廚藝有信心。

麥明詩用心拍攝野餐短片，盼支持者感受到她的熱誠。

(7)吳佩欣有型格

此外，候選佳麗到將軍澳六福珠寶出席活動，試戴名貴首飾互相投票選出「最佳演繹佳麗」獎項，麥明詩敗給(9)郭嘉文手下，麥明詩受訪時表示：「唔會失望，最緊要決賽有好表現。」麥明詩透露她自己投了(7)吳佩欣一票，因覺得她打扮甚有型格。雖然吳佩欣最終落敗，但她亦不會失望，更戥獲勝的佳麗開心。有位富爸爸龐寶林的(4)龐卓欣表示自己未有貴重首飾，但透露媽媽就有不少珍藏首飾：「我都有同媽咪講邊套靚，到結婚叫媽咪畀我。」龐卓欣亦指男友很節儉，未有送名貴首飾給她。

文：影視組