太陽娛樂文化早在一年前已獲悉有人冒公司高層之名在網上涉嫌詐騙，故特於官方網發出「嚴正聲明－偽冒職員」以正視聽。昨日太陽娛樂文化唱片部總經理Andy接受電話訪問時，指當日有3名少女先後上公司稱約了自稱是唱片部負責人Garry錄音，但了解後證實沒有此事才懷疑有騙局：「我哋真係有位監製叫Gary，但佢話冇約人錄音，公司先揭發呢單嘢，雖然我哋唔知當事人同嗰個Garry有冇金錢瓜葛，但為免影響公司聲譽，我哋隨即發出聲明，呼籲大家喺網上要小心一個自稱Garry嘅人，懷疑佢企圖誘騙，公司要同呢個人劃清界線，我哋仲去柴灣警署報警備案。」