黃凱欣我見猶憐複製三級路
擁D Cup上圍的模特兒黃凱欣（Ruby）外貌楚楚可憐，給人鄰家女友感覺。恨走「純情性感」路線的她，大讚台灣女星徐若瑄清純又有靈氣，視對方為奮鬥目標，不介意複製其三級片路！
模特兒黃凱欣（Ruby）擁有D Cup豐滿上圍，氣質清純帶點鄰家女孩感覺，猶如「翻版官恩娜」，但比正版皮膚更白皙。Ruby曾參與有線節目及出寫真，早前又在動漫節中Cosplay任嘉賓，古裝Look同樣迷倒宅男Fans！
淡妝碌床賣清純
Ruby在寫真中有多款性感造型，當中一款她以淡妝在酒店房拍攝，一顰一笑治愈少男心靈。Ruby對作品相當滿意並笑謂：「我最鍾意呢個Look，因為喺床碌來碌去影，冇咁攰嘛。太冶艷嘅造型唔啱我，呢類清新啲幾啱我。」Ruby不介意性感演出，但又自封清純，似乎有些矛盾，她即舉出台灣女神徐若瑄做例子，大讚她兩者兼備，視對方為奮鬥目標：「我睇過佢嘅寫真，尺度好大膽，但鍾意佢清純得嚟有靈性。眼神好到位，佢都冇化好濃嘅妝，畀人感覺好吸引，想繼續望。」對小瑄曾拍露點三級片，Ruby揚言不抗拒效法：「如果劇情需要，我又好鍾意個劇本，係ok嘅。」
肥妹仔甩拖求變
Ruby又自爆求學時是肥妹仔一名，體重達160磅，其後因失戀決心減肥，成功瘦人唔瘦胸！她說：「我一出世已經係肥底，讀書都係肥學生，減肥之後異性緣好咗，成個人都開朗咗，依家睇番啲舊相真係唔認得自己。（滿意依家身材？）仲係肥，希望再瘦少少，多番啲線條。最滿意係鎖骨，因為以前肥到見唔到骨，減得好辛苦先有番！」
Profile：
黃凱欣（Ruby）
年齡：22歲
三圍：33D、24、34
身高：1米65 體重：50kg
簡歷：有線節目《怪談六魔女》、寫真《Metamorphosis》
文：影視組
攝：吳文聰