陳慧琳自爆生仔肚皮皺

歌手陳慧琳（Kelly）昨日出席3香港的活動，參與慈善項目產品設計工作，設計出一款印有蝦餃和小籠包圖案的手機保護殼，靈感當然是取自她兩名寶貝仔的暱稱，而所籌得之善款部分將撥捐由Kelly成立的兒童助學基金。問到共花了多少時間創作？Kelly表示：「諗得好快，因為我滿腦子都係蝦餃同小籠包，每樣一籠已經覇晒成個設計。」

着貼身衫就住食

另外，Kelly透露近日忙於籌備在紅館舉行的演唱會，除了趕在月內錄製新碟及MV外，已計劃在演唱會中加入動畫效果，會扮演成Super Hero：「最近搵咗廠拍攝，放喺演唱會開頭時播放，但聽講件衫係好貼身，不過奚仲文仲未話我知係咩樣，但我諗會唔會係好貼、抖唔到氣嘅衫，所以我keep住唔好食太多嘢！（會好性感？）貼囉！但應該唔係好露！（但你已經好瘦？）上鏡就差啲！想keep住（身形）實啲！」

Kelly與Capdase創辦人暨行政總裁麥建良、和記電訊香港控股有限公司營運總裁陳婉真主持揭幕儀式。

陳慧琳親自介紹設計特色。

同仔玩身心俱疲

問到是否想腹部練出馬甲線？Kelly即笑言有信心：「其實可以練到，但六舊腹肌實在太難！（練到會騷出嚟？）想，但中間個位有少少皺，因為生完仔，淨係騷兩條線，其實唔會特登為騷而騷出嚟，睇吓咩衫！」Kelly又指雖然工作非常忙碌，但早前仍花時間與兩名兒子到主題樂園玩樂，亦不介意被途人偷拍：「同佢哋玩真係好攰，攰過我練馬甲線，身心疲憊！（有冇投訴你少咗時間陪伴佢哋？）佢哋都就快開學！」

文：名人組