曾志偉患痛風首露面
曾志偉早前於西班牙為內地真人騷節目錄影，期間患上痛風，健康情況令人擔心。他昨午乘保母車到達無綫電視城，傾談本屆港姐工作，被指患病後首度公開露面的志偉，精神狀態不錯，行動自如更與記者開玩笑。
談到事發過程，他謂：「嗰邊天氣好熱，飲咗大量啤酒，又食蝸牛。我被淘汰出局後去中國餐館請工作人員同翻譯食飯，餐廳安排咗好多水煮食物，又有綠豆湯消暑，食完餐飯坐個幾鐘返酒店，一落車隻腳已痛到郁唔到。」他指有很多朋友傳藥方給他，但至今仍未有時間去求診：「過幾日可能返台灣做全身檢查，依家領正牌唔使飲酒，大家唔敢再隊我。」