小方當女友面溝盛朗熙
方力申前晚偕盛朗熙為新片《紀念日》於荔園門前取景，劇情講兩人因玩魔術而漸生情愫，小方透露與女友鄧麗欣（Stephy）演結婚10年的夫妻：「導演話日子耐咗、年紀大啲，男人就需要人讚同畀人話叻，片中我同Stephy因為日子耐，感情淡咗。（Stephy平日多讚你？）佢唔讚都唔鬧我，我都唔讚佢。」
盛朗熙爆Stephy在場時，小方變得更開朗，小方聞言謂：「佢嚟咗，我反而多啲同女仔講嘢，佢喺度就可以名正言順同女仔講嘢。」小方表示跟女友拍親熱戲也不會尷尬，問會否熟到伸脷？他說：「點會，伸脷好睇啲咩？如果伸脷靚啲先考慮。」
