薛家燕痛失偶像 南鳳感激提攜

一代名伶林家聲離世，跟林家聲合作逾十部電影的薛家燕，得悉對方死訊，深表哀痛！家燕昨出席電影《十月初五的月光》煞科宴時，直言知道對方身體狀況欠佳，並謂：「上次見佢精神已經唔係幾好。」又坦言對方睇住自己大：「我8歲時拍第二套電影就同佢一齊拍，佢好有功架，又有星味，我睇到真係暈大浪，封佢做偶像。」又透露林家聲年輕時師從袁和平父親袁小田，每日學習北派功架：「我同佢一齊練嘢，我自己就練到個幾鐘，但聲哥就可以不斷練，我真係好佩服！佢對粵劇界付出好多，可算係不枉此生。」