蓋鳴暉：師傅係「粵劇解碼」
梨園泰斗林家聲在粵劇界貢獻多年，桃李滿門，愛徒包括周振基、蓋鳴暉、林錦堂、勞允樹等人，唯一女徒弟蓋鳴暉對師傅離世十分難過，她說：「師傅對我好大影響，因為相識廿幾年，佢對我嘅教導，我永遠都會記住。粵劇界冇咗呢位前輩係絕大嘅損失，身為徒弟會做好自己去回報師傅，希望佢喺天上面，睇住我哋呢班晚輩有一定嘅成績，師傅，永遠懷念你，永遠都愛你。」
蓋鳴暉於1987年與聲哥結緣，獲邀在劇目《周瑜》中演趙子龍一角，其後她跟隨師傅練功，盡得真傳，師徒二人於1993年正式拜師，並經歷數年觀察期，終獲師母紅豆子提議正式上契。蓋鳴暉說：「聲哥雖然行動不便，都有同徒弟保持聯絡，我哋喺粵劇上遇到任何問題，佢都會盡量教導，佢直情係『粵劇解碼』。」而近月，林家聲仍有指導徒孫（林錦堂之徒弟）陳培生演出劇目《西施》的技巧，陳不時到訪林家討教，獲聲哥傾囊相授。