法拉祝福舊愛 搵到好女仔

久未露面的藝人陳法拉昨晚出席活動，透露近日在美國進修演技課程，加上主力在內地拍電影及廣告，故甚少在香港出現。問到舊愛薛世恒近日分別與歌手梁雨恩及趙頌茹（阿Yu）傳出緋聞，法拉說：「要向前望。（同佢有冇聯絡？）朋友間唔中都會聯絡同問候，希望佢開心。（有冇問佢係咪拍拖？）我唔喺香港，冇見面，都會關心佢，希望佢搵到個好女仔，因為佢係個好男仔！」目前她有追求者，但感情要講緣分。