騙案猖獗袁詠儀無奈
麥長青在網上透露老婆受詐騙電話騷擾，其好友伍詠薇及袁詠薇即留言安慰他，兩人呼籲市民提高警覺；王浩信則聽聞有聲稱手握「第三者」資料的另類行騙手法。
袁詠儀：「我都想留言安慰吓麥包老婆，我同Chilam（張智霖）都接過呢啲電話，但聽佢講兩句已經好快識破咗。不過，都呼籲大家要小心啲，依家科技愈發達就愈多網絡騙案，感覺好無奈。」
伍詠薇：「好驚訝，呢排都聽到好多騙案，好似好亂咁，都會轉發畀家人、朋友，等大家留意提高警覺。其實依家我唔聽電話，係熟朋友先聽，希望大家醒目啲，依家騙案真係層出不窮。
王浩信：「我聽過另一種手法，騙徒喺電話度話你另一半有第三者，叫你點擊附設嘅file，話有第三者嘅相，藉此盜用你嘅手機資料。呢種方法係對另一半信任考驗，我對另一半好有信心，我哋唔會中招。」