麥玲玲冧市入藍籌賣樓賺五成
每年股市總會有上有落，而早前的股市更大幅波動，令不少股民損手爛腳。麥玲玲師傅原來早着先機，預測今年羊年的農曆五、六月會有大事發生，不過艱難時期已經過去，跟着下半年會穩定，看來股民又有錢賺。玲玲師傅仲自爆會在股市冧的時候買藍籌。
堪輿學家麥玲玲、藝人森美、已定居日本的藝人陳美齡（Agnes）昨午現身維特健靈的子公司「健靈Genning」開幕活動，由於是Agnes的姨甥謝天澤所開設的公司，故此Agnes特意前來撐場。
談到今年股市，玲玲師傅坦言早前曾算過：「股市有大大小小股災，今年羊年，有羊群心理，尤其是農曆五月、六月有大件事，但已經過咗，上下年的交替，依家會穩定番。（有冇計算運勢來投資？）我就係見個市冧，會買藍籌，我之前沽出間樓，買番嚟一萬蚊呎，萬五蚊呎走。」
森美自爆被老婆推開
同場森美提到有報道指他自從簽了黃柏高公司後，將家人收得好埋，但一次拍電影指森美有戀腳癖，他即高調拖老婆出嚟，但見到fans，森美即推開老婆。對於此事，森美笑言：「我老婆推開我就有，開始到依家我都好尊重佢，有時候有首映，佢知有記者會唔去，好低調，同埋佢唔想小朋友曝光。試過有fans走埋嚟要求簽名合照，有fans更要求同埋我小朋友一齊，我哋都會話唔好，太太會拉個仔走。」至於有廣告搵夫妻檔或者一家出動，森美都話就算酬勞多高，太太都不肯。森美更提到有一次，有人邀請森美與小朋友一齊工作：「我有同老婆講，但小朋友話想拍。（之後點？）依家傾緊錢銀問題，係拍video節目。」
陳美齡風頭躉多仔圍
另外，前晚Agnes亦有出席華仁書院周年校慶籌款音樂會，她憶述當年就讀女校時是風頭躉，放學經常有男仔在巴士站等她：「有跟我返屋企，冇咩傾偈，我又唔識同人講嘢，以前又冇電話（手機），有幾個男仔等，諗起都好驚！」
文：名人組