齊蕙盈享受性感 勝在唔知醜
前亞視藝人「通識BB」齊蕙盈（Brenda）早前身穿性感比堅尼與陽光玩遊戲，大騷事業線和白滑長腿，盡顯33B美好身段。她大方分享其Keep Fit瘦身心得，並謙虛說：「其實過完冬天已經肥咗好多，所以晚晚都好勤力做運動，舉腳、sit up最少做100下，跑步就少啲，主要都係室內運動多，仲會去健身室踩單車。」
歌影雙線發展
現年26歲的Brenda續透露自2011年入行以來，均主力擔任電視台的節目主持，她剖白過往工作的辛酸：「人工低，低到你諗唔到咁低。（點解仲繼續做？）入呢間電視台做最想係學做主持，因為喺嗰度出錯會比較少人知。（學到嘢？）學到，大膽咗好多，以前係唔敢講嘢，只係敢唱歌，同人傾偈嘅話，我會驚。」
Brenda現在是自由身，希望可向歌唱和電影方面發展：「由於我爹哋係夾Band，佢好早就教我唱歌，自己喺出面都有上堂，所以唱歌可以話係我嘅專長。而拍戲方面，我之前客串過杜汶澤嘅《爛滾夫鬥爛滾妻》。（拍戲有冇底線？）唔可以唔着衫，如果有得遮遮掩掩都仲可以，唔可以露前面，裸背就OK，（怕唔怕被定為性感形象？）唔怕，我Enjoy（口架），總之係表演就OK，所有表演都接受，只係唔好過底線。」她更笑稱「唔知醜」是突圍而出的必殺技。
文：名人組
服裝：Blossom