劉佩玥笑陳瀅主動出擊
「宅男女神」劉佩玥（Moon）昨日出席活動，透露稍後跟陳展鵬、伍允龍、胡定欣等拍新劇，又謂入行前已喜歡三位有實力的演員，她說：「我好鍾意定欣。（佢喺《鬼同你OT》演技獲讚？）佢一向演技好，呢套劇又好笑，加上同佢之前演嘅倔強角色唔同，所以觀眾同我都好鍾意。」
對於陳瀅被指主動追溫家偉，Moon即哈哈大笑為好友解圍：「我哋全部都係friend，太搞笑喇。（溫家偉冇吸引力？）佢嘅吸引力非常大，但如果同陳瀅就好好笑。（陳瀅鍾意佢？）陳瀅最愛嘅人係我。」問Moon怕否跟溫家偉傳緋聞？她笑謂：「唔好喇。（嫌棄？）唔係，傳咁多嚇走真係想追我嘅就唔好啦，暫時覺得同佢做friend好適合，所以朋友就唔會諗咁多。」
