陳凱琳探嘉穎班問准父母
陳凱琳昨日出席無綫活動，提到早前到橫店探男友鄭嘉穎班，指事前有跟父母交代，亦坦言有上過男友租住的露營車。而快將半百的錢嘉樂，就仍認為自己心境年輕，更不諱言譚詠麟、曾志偉和陳百祥等登6後仍是(口靚)仔一個！
藝人陳凱琳（Grace）、李佳芯、梁嘉琪和錢嘉樂昨日在將軍澳東港城出席無線節目《超強選擇1分鐘》「頒獎儀式」。有報道指Grace早前到橫店探男友鄭嘉穎班時，曾上男友租的露營車「密會」，她坦言有上過該露營車，但報道內容多屬虛構：「去到嘅時候，好多時同佢個助手周圍走影吓相，佢又要拍劇，所以冇點樣跟住佢。」又指探班前有同父母交代，而報道曝光後亦未與鄭嘉穎聯絡。
搵食幫襯溫家偉
談到好友陳瀅到溫家偉的雪糕店時，與對方表現親密，問兩人是否拍拖？Grace笑指之前拍無綫《搵食飯團》時都有到其雪糕店拍攝：「咁大家都係圈中好友，支持吓佢都好正常。」
將於星期四（6日）度過50歲生日的錢嘉樂，就透露前晚與家人、好友和日本粉絲開睡衣派對慶祝，但仍未知道老婆湯盈盈打算送甚麼禮物，他說：「佢可能指住個肚話呢份係禮物囉，仲想點！」又指老婆佗第二胎重過第一胎。雖然快50歲，但他稱心境仍然年輕：「睇到校長（譚詠麟）、獎門人（曾志偉）、阿叻（陳百祥）登6都係成個(口靚)仔咁！」又透露自己正籌備下年跟「古惑仔」一班兄弟開戲，打算事隔11、12年後再做導演。
李佳芯着一件頭
至於早前以OL打扮上《超》節目的李佳芯，問到會否以泳裝再上節目，她笑謂自己沒有張秀文着泳裝的效果，更指自己絕少着比堅尼：「係去過外國影過一次相，只係一次(口者)。去游水都係着一件頭，阿婆款(口個)(口的)！」
文：影視組