文詠珊疑被姦 安仔唔認帳
近期片約不斷的藝人文詠珊（JM），於新作又有新嘗試！昨日JM聯同許志安、林家棟等出席開鏡儀式時，透露將演情緒起伏大、精神失常，兼懷疑被人強姦的角色，屆時將會露前露後，雖然堅持不露點，但認為這已是入行以來尺度最大的一次。
文詠珊（JM）、許志安、林家棟及余安安等昨日出席太陽娛樂新片《兇手還未睡》開鏡，身穿低胸裝的安安甚為養眼，令穿運動服密實的JM被比下去，不過一片接一片的JM卻以角色來搶鏡，透露今次演一名情緒起伏大兼精神失常，又懷疑被許志安及家棟強姦，絕對是演技上的挑戰。
談到片中裸露戲份，JM謂：「會有，但唔係性感，係劇情需要，未試過破嘅底線，前後都會露，不能一一盡錄，但唔會露點，我好鍾意個劇本，所以事前都冇同家人商量，希望自己演技上有突破，所以去盡啲！」對於近年演的均是坎坷角色，JM笑指很難得能遇到有挑戰性的角色，不過完成今次的沉重角色後，望稍後能接一些開心劇本，更表示拍攝《兇》片同時亦要為另一部電影《寒戰2》開工，問到被指執二攤？JM坦言沒所謂，更指演員經常會有調動。
操肌半裸
問到知否舊愛李冠峰被指與(o靚)模郭穎兒（Celia K.）拍拖？JM謂：「唔知都唔得啦，個個都講，冇聯絡好耐，咁舊嘅事冇人提，你哋問番佢啦！（咁你同圈外新歡吳啟楠發展成點？）好忙但係開心，了解階段當中。（接呢套戲有冇同佢講？）冇諮詢任何人意見，但相信佢哋會支持我。」
而許志安則表示戲中與JM有感情線，問到是否強姦對方的兇手？他否認謂：「唔係，但有親熱戲，為咗畫面上好睇，所以我先想操肌肉練大隻啲，但尺度冇乜嘢，冇遐想，只露上身，我好乖。（招牌巨鵰冇機會露？）唔使啦！啲人會想睇JM多啲！」
多情慾戲
至於家棟就透露戲中不乏情慾戲，既要強姦蔡潔，又要與舞小姐「廁震」，更要與JM假結婚，問到與JM可有情慾戲？家棟謂：「點到即止啦！（係咪你強姦佢？）諗都冇諗，戲入面係咁寫，但應該唔會咁拍。（佢話露前露後！）場戲得佢自己一個拍，係疑似畀人施暴，之前圍讀JM都話可以再激烈啲，但未知點拍，其實我仲係雙性戀，同廿四味成員阿肥係hehe friend！（同阿肥咀？）我唔會畀佢咀，但佢有呢個行動。」
文：影視組