狄易達驚喜飛台氹女友

歌手狄易達與Super Girls（SG）昨日出席活動，達仔與SG分別跳唱新歌兼分享正能量訊息。問到平日如何抒發憂鬱？SG即取笑達仔會直奔台灣見女友吳亞馨：「達仔唔開心要搭飛機，去一兩個鐘去到嘅地方，見一個人。」

達仔聞言尷尬甜笑並直認：「其實都真係會，唔開心時我會去我覺得好舒服嘅地方，都係一個幾好嘅減壓方法。」他又坦言雖與女友分隔兩地，但一有時間就會探望，即使是一餐飯的時間都會變得心情開朗，他更自爆：「試過知女友唔開心，我係佢唔知嘅情況下飛去台灣搵佢，畀個驚喜佢。」