Big爆朱晨麗 等坐一姐位

藝人朱晨麗(Rebecca)昨日以桃紅低胸短裙亮相商場活動,罕有地晒深長事業線!即場獻聲的她,又high爆搔首弄姿,夠晒「動感」!Rebecca自覺不太性感,更揚言早已做好措施烏身倒奶整甜品:「ok(性感)啦,已黐晒膠紙防走光。(曾整甜品畀心儀對象?)so far未有,希望之後有機會。」她又預告將為無綫劇《拆局專家》宣傳,更賣關子透露與袁偉豪有親密「屋企戲」。

談到合約事宜,Rebecca坦言與無綫合作以來機會不斷:「有排都未完(約)。(有傳徐子珊可能約滿離巢,令你有更多機會?)公司不嬲好畀機會,事業上長做長有。(少咗人爭資源?)睇公司安排,都希望多啲其他機會。」

談到有指她「突然富貴」揮金買樓兼坐頭等艙,Rebecca說:「過咗去,冇呢啲事,唔回應喇。(坐頭等?)自己儲錢同家人去(旅行)。」