克勤承蒙厚愛 似拎男歌手獎
「蒙面歌王」李克勤撼低強勁對手，贏出歌唱節目《蒙面歌王》首集冠軍後，獲眾人讚賞笑言：「好似去番拎『最受歡迎男歌星』咁！」雖然該節目負評不斷，克勤依然力撐《蒙》，更澄清冇袋過傳聞中的750萬酬勞。
歌手李克勤、陳美齡、王敏德及彭健新前晚現身紅館，出席華仁書院周年校慶籌款音樂會並任演唱嘉賓，更獲一眾學生、老師、家長及舊生撐場，全場爆滿。演唱期間，身為舊生的克勤壓軸出場，與華仁書院學生組成的管弦樂團合作。而王敏德連同就讀華仁書院的兒子王躍穎，父子檔合唱英文歌。克勤受訪時透露日前回母校綵排，發現學校變得現代化，還大讚管弦樂團水準：「佢哋拍得住專業！我見番以前好索嘅英文Miss，佢依家都好索。我同其他舊生都好熟，每年都捐錢。呢間學校師生關係好，注重學生感受，唔會強迫你死讀書。」
撐巫啟賢搞氣氛
至於談到克勤參加的內地歌唱節目《蒙面歌王》，他叫大家不要太認真去挑剔每個環節。提到評審巫啟賢，克勤即笑謂：「唔知佢真係估唔到定假，唔多唔少都需要營造畀觀眾估嘅氣氛，坦白講，我同佢掉轉都冇辦法話即刻估中！」他又坦言沒有後悔參加節目：「贏咗之後去到邊都有人恭喜我，好似去番拎『最受歡迎男歌星』咁！」
澄清冇750萬酬勞
至於酬勞方面，克勤澄清沒有收過750萬元酬勞：「唔係傳聞中嘅價錢。合理啦，錢唔係主要原因。」並預告下周將以首集冠軍身份再度上《蒙》參賽。
而陳美齡就透露與華仁書院很有淵源，因兩位姐夫及幾位姨甥均就讀華仁書院，還憶述當年讀女校時，曾被書院邀請獻唱。
文：音樂組