側田街頭賣唱陪林二汶走鬼
歌手側田與拍拖半年多的長髮女友經常形影不離，前晚二人於銅鑼灣行街拍拖，期間遇上林二汶及樂隊Mr.鼓手Tom等音樂人作街頭表演，歌癮大發的側田即興加入，引來不少途人圍觀，但卻因聲浪過大遭投訴，有警員接報到場了解並「冚檔」，側田見狀即急急腳走鬼，再跟大隊轉移往附近商場外繼續唱個夠！
側田早前才完成演唱會，近日難得空閒的他，於前晚約十二時，與相識大半年的長髮女友往銅鑼灣行街拍拖，戴帽的側田沿途引來不少途人目光，但他沒理會，繼續與女友邊行邊談情，期間兩人路過利園山道，見林二汶、樂隊Mr.鼓手Tom及RubberBand成員泥鯭等人於街頭表演，歌癮大發的側田即興加入，與林二汶合唱。
女友默默打氣
現場見側田拿起結他又彈又唱，女友則站於一旁打氣，側田唱了三首歌，他唱完一首英文歌，又唱國語歌《愛我別走》以及《半斤八両》，引來過百途人駐足欣賞。側田唱到中途，因聲浪過大遭附近居民投訴，未幾有警員到場了解，側田見狀即停唱，與女友站於街角暫避，此時有不少歌迷要求合照，他都有求必應，更與他們閒聊。
仍未唱夠的側田可謂出師不利，眾人被「冚檔」後為免再遭投訴，只好走鬼轉移陣地，往時代廣場的露天位置，加入另一隊原本正在表演的樂隊齊齊夾Band，期間側田情緒高漲，不停以木箱作敲擊樂獻技及玩搖鼓，獲得不少觀眾的掌聲。
事後側田受訪，提及女友陪他於街頭獻唱，他避而不答，只說：「我都係路過，多謝佢哋邀請我一齊表演。見成大班人唱得咁開心，咪加入一齊玩，外國好多呢類街頭表演，香港都應該多啲。」
唱成晚零酬勞
同場的林二汶，昨日接受本報電話訪問時表示：「街頭表演係成班人即興，我就夜晚10點幾過去，（聲浪太大被投訴，有警察到場？）因為有啲時間可能太嘈，影響到附近居民，所以下次會提早啲唱。」問眾人作街頭表演，觀眾有否給予酬勞？她笑言：「見好多街頭賣唱嘅人擺個錢盒喺度，好多觀眾都會畀錢，但我哋冇擺盒，所以全晚冇人畀錢。」
文、攝：追蹤組