加盟撞火

田：我覺得反而以一個新人加入仲更加冇包袱，因為你可以畀好大嘅想像空間觀眾，而唔會有一個好特定嘅形象，個角色可以任你創作。你應該諗自己可以喺一個已經咁鞏固嘅架構入面演出，仲可以更Free咁發揮係好事！

G：我明白你意思，但自己好擔心你哋已經有好強嘅默契！就好似蕭正楠佢哋「五虎」咁，合作過好多次，一嚟就知大家應該點演。

田：我就反而唔係太鍾意合作得太多，就算默契已經建立咗，我都覺得應該一次起兩次止，最多三次就夠。因為作為一個演員會好想遇到唔同對手，如果合作得太多次，好可能會令到自己太過於依賴大家之間嘅默契，你會有種安全感，但會少咗好多新火花，我好鍾意去摸索唔同拍檔，當我自己點演嘅時候，佢又會點反應，而去train自己轉數，brainstorm到更多演技。不過好想話畀Grace知，演戲係永遠唔會有進步，就好似人生一樣有高有低，可以一步一步去琢磨出自己唔同嘅「面」，然後去睇個角色會反映你邊一面出嚟，就算有一日我停咗喺一個樽頸位，嗰個位都會令我再吸收多一個「面」！