王宗堯變人肉布景板

上山詩鈉愛女Hilary及王宗堯前晚於Dragon-i出席香檳活動，Hilary受訪時表示下月尾回美國讀書，出席活動只當做暑假工，又謂自己從未飲醉：「唔想麻煩到人，飲醉咗又要人照顧你！（媽咪擔心？）佢會叫我杯飲品千祈咪離手，我會keep住message佢等佢知我喺邊。」入場後她則與女友人同坐，甚少飲酒，認真乖女。
王宗堯成為女士的「集郵」對象。
王宗堯成為女士的「集郵」對象。

而王宗堯就表示期待艷遇出現：「以前都冇乜，《喜愛夜蒲》嗰時沈志明（台灣演員）好受歡迎，我成日幫佢擋酒、擋相機，啲女都會藐我！一陣飲吓香檳relax啲，同大家傾多幾句啦！」他在場內甚受歡迎，男女通殺的他對邀拍合照者來者不拒。昨日他出席一沙灘派對時，笑言自己冇女埋身：「去開淺水灣，好安全，得啲遊客叫我幫佢哋影相。」

Hilary自言從未飲醉。
  • Hilary自言從未飲醉。
王宗堯（右）與張建聲昨日出席沙灘派對，呻冇女埋身。
  • 王宗堯（右）與張建聲昨日出席沙灘派對，呻冇女埋身。