陳靜欣宜密實姑娘冇仔吼

片約不斷的女星陳靜（DaDa），剛在內地拍戲返港，昨日凌晨即孖住好友兼女模蔡瑩瑩及一位女性朋友去中環夜蒲。早前自爆有發展中對象的DaDa，未知是否怕男方呷醋，故包到冚以長裙「守身」出擊，以防型男埋身，和兩位女友人在夜店中也只是排排坐密斟，酒唔飲舞唔跳！雖然三個女人一個墟，始終陰氣太盛，吹完一輪水後悶到各自玩手機，最後搭的士走人。期間DaDa見到記者，既用手袋遮樣，又即戴口罩，的士直返住所後，DaDa終親民主動同記者說再見。