岑麗香避重稅三年後做樓奴
無綫花旦岑麗香宣傳新劇時談及買樓話題，她表示仍未成為三粒星港人，在港買樓要付重稅，因此不敢貿貿然置業，要到三年後拿到三粒星才考慮。同場的王浩信亦表示尚未做到「樓奴」，現正節衣縮食，望盡快儲夠錢買樓！
藝員岑麗香、王浩信、李施嬅、商天娥、麥長青及陳庭欣等昨日到將軍澳宣傳新劇《樓奴》，香香及庭欣晒美腿，吸引大批市民圍觀，穿短裙的香香玩遊戲時不慎洩春光。
「同價錢香港得劏房」
在加拿大成長的香香表示跟角色一樣，驚覺香港樓價出奇地高：「同一價錢喺外國買到好多間房嘅屋，香港就得劏房。」現正租樓住的她正考慮在港還是加國置業，因自己並非土生土長港人，買樓要附加樓價的15%重稅，因此要考慮清楚：「或者加拿大買樓再放租應付香港租金先，我嚟咗香港四年，三年後先有三粒星，所以仲有三年時間計劃吓。（叫屋企人資助你？）父母有提議過，但我想靠自己。（嫁個有錢人？）咦？呢個都係一個方法喎！不過唔係我嘅選擇。」
現場見王浩信行路一拐拐，他表示為備戰九月登台騷，練舞拉筋時不慎拉傷，首次擔正劇集的他透露近日緊張至失眠，太太陳自瑤及三歲女兒見到其預告已很雀躍。提到以往在劇中被掌摑而上位，問今次有何招數？他說：「呢套劇好香港，除咗買樓呢個話題有共鳴，爛Gag同無厘頭都好屬於香港人。」現實中是否已做「樓奴」？他說：「慚愧地未係，依家租緊樓住，希望三至五年買到樓，有咗小朋友後，想留番啲嘢畀佢，都要節衣縮食喇！」
商天娥開演唱會
同場的娥姐去年10月已跟無綫完約，今次是最後一部無綫劇，計劃年底跟廖啟智合演舞台劇，明年舉行演唱會。提到日前她缺席劇集活動，事後在微博問麥長青為何沒叫她，但她否認動氣，並解釋說：「我前一晚已經知有活動，但當日主題係演員扮示威，我飾演地產商喺度唔啱數，咁講只係講吓笑。」
文：影視組