Grace煮場賀壽美食箍嘉穎

陳凱琳及徐肇平昨日到屯門V city出席「2歲生日PARTY UP」活動，Grace爸爸現身撐女兒，更為女兒充當攝影師。Grace與徐肇平即場繪製生日卡，送給新鴻基地產代理有限公司租務副總經理孫雅茵。

呻分隔兩地

Grace自爆喜歡為朋友製造生日驚喜，問是否已為男友鄭嘉穎想好生日驚喜？她說：「未知，佢喺橫店拍緊劇。（會去橫店同佢慶生？）唔得，我都開咗劇，行唔開。（諗好送咩驚喜畀佢？）未，佢要拍到9月尾，分隔兩地，我都畀唔到佢！（拍拖後男友首個生日，特別重視？）生日唔同聖誕，重要啲，不過諗嘢送畀男仔好難，佢又唔鍾意食甜嘢，諗到我頭都大埋，或者叫肇平媽咪黃淑儀教我煮兩味畀佢食。」與Grace同是加拿大之友的肇平即代母應承。

在活動上與小朋友擲骰鬥大小頻頻落敗的肇平自嘲一直欠運氣，Grace即笑他找藉口：「同佢太老友，對佢太客氣反而唔慣。」

文：影視組