周秀娜鐵甲女友恨床戰伊健

周秀娜和蔡思貝昨日出席機械人模型展開幕禮，Chrissie說自小就常有機會接觸高達機械人：「因為哥哥、細佬鍾意，佢哋成日玩，連我都受感染，我第一個乳名都叫『迷你型高達』。」

等候導演發落

Chrissie日內將拍新戲，戲中演機械人，與鄭伊健開展一段機械人情緣，並搞笑說：「我個角色唔係『人揸』，唔使人揸，即係無人駕駛，我係一比一真實迷人型。（有思想？）人工智能，要叉電，（有冇性感造型？）機械人鐵皮，見到樣，同真人一樣。（做乜？）入得廚房，出得廳堂，溫柔體貼，係伊健嘅專屬機械人。（服侍佢？）唔算服侍，係人同機械人情侶關係。」問會否有床戲？她謂：「啱啱先試造型，故事要等導演度，如果導演ok，我都ok，但普通情侶親熱戲係有嘅。」

周秀娜自小就有機會接觸高達機械人。	伊健早前曾與周秀娜合作拍電影。（資料圖片）	穿得性感的蔡思貝否認想與周秀娜對撼。

思貝祝福子珊

穿tube dress上陣的思貝被問是否以性感造型撼Chrissie？她說：「我覺得咁着舒服啲，感覺開心啲。」問可知徐子珊打算約滿無綫後離巢？她說不知情：「相信每個人做決定都有個好好嘅原因，我唔認識佢，只係工作見過面，傾過偈，祝佢好運，所有嘢都順利。（覺唔覺公司留唔到人？）人一生唔會停留喺一個地方，可能佢想試其他嘢。（自己多咗好機會？）其實公司一路都畀好多機會我，我會做好自己。」

文：名人組