龐卓欣冧仔無忌：攬吓拖手係應該

今屆港姐一眾候選佳麗前晚為李思捷主持的節目《今晚睇李》任嘉賓，(4)龐卓欣最近被本報拍得與男友Solomon拍拖，期間使出冧仔三招拖手、胸壓及箍頸，對此Ada受訪時說：「同男友拍咗拖兩年，都幾sweet。（避忌啲？）唔使，情侶攬吓、拖手係應該嘅。（拍拖影響選情？）唔會，唔講反而好似唔尊重男友。（大會訓示？）冇，大會冇話唔畀拍拖，自己一向唔介意公開私生活，冇乜嘢唔見得光。（男友介意曝光？）報道讚佢大隻，似消防員同韓國人，咁咪開心番。」

獲羅丹虹力撐

(1)麥明詩認為與思捷對談是大挑戰，問可擔心應付不了刁鑽問題？麥明詩謂：「會用『沉默是金』應對。（驚唔驚思捷追你？）唔會啦，我哋年紀相差咁大。（鄭嘉穎都同陳凱琳拍拖啦。）聽講思捷有幾個緋聞女友，應該冇咁多時間。」

李思捷	龐卓欣早前被拍得與男友在街上煙韌。（資料圖片）	自言不介意公開私生活的龐卓欣，覺得拍拖不影響選情。

麥明詩認為龐卓欣拍拖沒問題：「佢一向都冇話避忌，咁青春有男友正常。（你有男友﹖）唔知呢，呢啲私人問題，遲啲大家就知。（會唔會高調拍拖？）依家行程咁辛苦，有時間都休息同陪屋企人。」(3)羅丹虹也覺得龐卓欣拍拖好正常。

朱嘉莉想偷食

另外，(8)程莉欣和(12)朱嘉莉皆表示會盡力減磅，程莉欣稱身體線條已有改善，瘦身最有成績的朱嘉莉坦言心思思想食零食，但也堅持忍口。

採訪：影視組