鍾舒祺帶男友登堂入室

歌手鍾舒祺（Sukie）被《好報》拍到日前跟Band友男友Ar To高調拍拖，兩人慳家平食雞煲兼搭巴士歸家，之後更當街甜蜜拖手攬腰，昨日記者就此事致電Sukie，她直言跟男友拍拖十個月：「其實我哋已經識咗6、7年，之前我去台灣發展都有keep住聯絡，到我返嚟香港就一齊咗。」
鍾舒祺與男友糖黐豆拖手仔行街。
鍾舒祺與男友糖黐豆拖手仔行街。

談到他們高調晒愛，Sukie則謂自己很公開：「唔係特登畀人知，但我都有生活。（慳家係想儲錢結婚？）未咁快諗到結婚，我哋認為工作緊要啲。」她亦謂兩人可以寓拍拖於工作：「其實我哋成日見，因為我哋一齊做《今晚睇李》。」Sukie亦表示男友早已融入家中：「媽咪成日都會煮埋佢飯，叫佢上嚟飲湯，之前爹哋生日佢都喺度。」姊姊鍾舒漫亦很支持他們拍拖。

鍾舒祺拖仔約朋友歎雞煲。
  • 鍾舒祺拖仔約朋友歎雞煲。