34D王麗嘉縮胸追夢馬詩慧無奈：尊重佢
本港「Ball場」急需新血，名模馬詩慧（Janet)的女兒王麗嘉（Irisa）成為最矚目的「星二代」，盡得母親馬詩慧優良基因，20歲擁有5呎11吋高，更擁有驕人的34D Cup上圍，但豐滿上圍令她感煩惱，故一直有考慮接受縮胸手術，Janet雖然不願意女兒有此行動，亦希望她三思，但若將來思想成熟後依然堅持，Janet亦會欣然接受。
名模馬詩慧（Janet)的女兒王麗嘉（Irisa）、上山詩鈉女兒Hilary、鍾慧冰女兒林靜莉，憑着樣靚身材正，成功跑出，成為最矚目的「星二代」。Irisa接受《好報》訪問時透露為免錯過黃金時間，決定停學一年，到紐約追尋模特兒夢，終極目標是行Victoria's Secret（VS）內衣騷。又揚言上圍太豐滿難成為high fashion model，更希望接受「縮胸」手術。至於會否想如媽咪的成就，Irisa狠批媽咪當年因思鄉而放棄國際舞台，直指是「bad choice！」不會步她後塵。
搵信賴醫生
對於女兒想縮胸，Janet笑言：「佢成日都咁話，仲賴我細個畀太多木瓜佢食，哈哈！咁作為父母當然唔想佢咁做，我同佢講等大個啲再諗清楚啲，你知小朋友五時花六時變，可能遲啲又唔係咁諗，會覺得呢個係一個優點。但如果真係有咁嘅一日，咁我都會尊重佢，我都知胸大負荷好重，特別做運動會好辛苦，到時會幫佢搵多啲資料，搵個穩陣信得過嘅醫生。」
有潛質發揮
Irisa指Janet當年放棄國際舞台是一個「bad choice」，對此，Janet表示並沒有後悔當年作出的選擇：「人各有志，我唔係一個好有野心嘅人，如果當年唔係咁揀，我又點會有三個小朋友，我着重家庭多於工作，呢啲係命中注定，後悔只會令人覺得唔舒服。」Janet對於女兒暫時放棄學業到紐約發展，她坦言有信心：「以佢嘅條件其實可以做到，佢有嗰種潛質，只係有冇呢個機會畀佢發揮，我成日同仔女講，總之無論結果如何，只要自己盡力而為，將每件事做好，就已足夠。」
文：名人組