鄭融為粉絲 飛車急掉頭

加盟新公司的鄭融（Stephanie）與劉威煌早前到廣州出席電台活動，首次去內地宣傳新歌的兩人得到大批粉絲支持，逼爆商場，他們即場獻唱新歌，最後全場粉絲大合唱Stephanie的金曲《紅綠燈》，反應熱烈！但原來當日發生一段小插曲，事緣Stephanie等人結束活動後便乘車離開會場，他們剛離開，大會工作人員突然打來告知有廿多名粉絲正在停車場等見他們，於是他們立即駕車返轉頭，但由於廣州馬路是單行線，故他們要花上15至20分鐘才回到會場。

想做真人騷

粉絲見到Stephanie和威煌都興奮到不能說話，有些男粉絲更緊張到頓變怕醜仔，對於粉絲反應熱情，Stephanie高興地說：「始終我好耐冇去內地出席公開活動，fans好難見到我，所以今次見到咁多fans支持都好開心。」

（左起）程文政、劉威煌、鄭融和蘇耀光齊齊出席活動。

粉絲舉牌支持鄭融，並熱情和唱。

她亦透露想開拓內地市場，更謂想嘗試參與真人騷：「我咩類型真人騷都想試吓，特別係好似《極速前進》、《報告！教練》嗰啲，自己都有睇。（唔怕辛苦？）我做開運動，其實參加真人騷除咗想多啲人識自己，最重要係想表現真實嘅一面畀大家睇。」

重組歌迷會

轉投新公司後，Stephanie工作忙個不停，八月一日將再推出兩首新歌，八月尾就到內地演出音樂會，公司更承諾明年上半年內為她舉行個唱。而九月初Stephanie會成立新歌迷會，她透露：「其實初出道已經有歌迷會，依家想重組番個大型歌迷會，有咁嘅諗法係因為之前出活動，見到一啲由我出道支持到依家嘅fans，就算我轉咗公司都冇離開過我，所以想趁機重組。」此外，威煌會於十月舉行首個個人音樂會，身為同門的Stephanie當然全力支持。

文：音樂組