陳貝兒推動「素」潮
茹素多年的陳貝兒由最初抱「惻隱之心，人皆有之」而「拒葷」，至今已成為推廣環保減少污染，她大呻畜牧業造成空氣污染：「我哋都唔想因為食一餐飯而去殺害生命。」最近與同好者開辦素食概念店，經營跨地域優質素食。
貝兒自大學開始茹素，但最初回港工作時，礙於生活環境未言「拒葷」：「茶餐廳嘅素食唔係咁健康，不過近幾年開始多咗好多素食餐廳，大家都愈嚟愈接受，變咗『NO REASON TO SAY NO』。」更笑言自己的「素菜寫真」成功吸引身邊人的興趣：「唔係食烚菜同蒸豆腐咁簡單，亦唔再V淨係阿公、阿嫲逢初一、十五先做嘅嘢，成為咗潮流。」
作為「星級素食者」的枕邊人，貝兒丈夫雖未完全「拒葷」，但面對使命感重的妻子，依然給予萬二分支持，貝兒謂：「我就用素食嚟表達我對地球嘅愛，咁佢就用素食嚟表達對我嘅愛，所以佢都會GREEN MONDAY，（生兒育女為延續生命？）隨緣啦，生兒育女都要有健康身體嘛！希望喺最健康嘅時候有一個小朋友出世，一個素食寶寶！」
Wardrobe：N12H
Hair：Sonn Lam （pi4.hk）