鄭中基獲讚口技好
鄭中基(Ronald)早前於搞笑新片中挑戰高難度，拍攝一場含着一口藥水凌空吐向導演胡耀輝（Mark）的嘴之戲份，鄭中基笑言似拍武俠片之餘，事前亦緊張得用紙杯練習無數次，但可惜拍攝時仍NG了一次，不過，因吐水前要說一大堆對白，故第二次不容有失，務必要一擊即中！事後，導演胡耀輝都大讚中基口技好！
鄭中基與胡耀輝於新戲《猛龍特囧》中，出盡法寶搞笑，其中一場戲，Ronald需要用口向胡耀輝餵藥，凌空對正胡耀輝的嘴，把藥吐下去，Ronald笑言這場戲好似武俠片：「武俠片好多時都會出現朋友中毒暈倒，跟住要咬碎啲藥餵對方，呢場戲好似呀！」
尹光喪忍笑
Ronald直言拍這場戲難度最高的是，吐出來的藥水「準繩度」要非常之高，否則NG就很麻煩，Ronald表示：「拍之前都幾緊張。（有冇搵老婆幫手試吓位？）冇，反而用紙杯練，驚唔正，又要再嚟過，但好得意，你排嘅時候吓吓中，但到真正拍嘅時候都要拍兩次，拍第二次嘅時候，不容有失，因為吐之前要講一大堆對白，唔能夠再NG，我又驚同場嘅尹光忍唔到笑，所以要一擊即中。」
初合作激讚
事後，胡耀輝大讚Ronald口技好，而首次跟他合作，覺得他是非常好的演員，大家合作得相當愉快。
文：影視組