杏兒親親熊貓睇得唔掂得

藝人胡杏兒昨日在廣州長隆野生動物世界出席「全球唯一大熊貓三胞胎周歲慶典」，為大熊貓「萌萌」、「帥帥」和「酷酷」慶祝一歲生日。而園區亦特意為牠們三姊弟準備特別生日蛋糕，不過未知是否怕醜，在享用蛋糕之前其中一隻大熊貓竟然想返房避風頭，相當搞笑。

身為長隆代言人之一的杏兒，就坦言今次是她首次親睹大熊貓三胞胎真面目，更自爆在後台要求摸大熊貓卻被工作人員婉拒，認真失威：「之前做嘢冇同熊貓接觸，我係負責猩猩嗰邊，今次見到佢哋覺得好得意。（冇得掂好失望？）係囉，我好想呀，但都係為咗保護佢哋。」對於三胞胎是自然分娩，而非人工受孕，認為非常難得。

大熊貓「萌萌」、「帥帥」和「酷酷」一歲生日，廣州長隆野生動物世界為三胞胎舉行周歲慶典。

摸唔到熊貓，杏兒惟有抱抱熊貓公仔滿足一下。

努力練廚藝

記者其後恭喜最近屢傳與金融才俊男友Phil拉埋天窗的杏兒，她聞言即笑謂：「恭喜我有三胞胎呀？」記者就表示她再被指嫁杏有期，她否認之餘更指一切以本人公布作準：「好多傳聞話我去英國結婚，點解有啲咁嘅事我唔知，不過現階段我冇嘢宣布。」

談到最近杏兒在微博中透露自己首次為父母下廚，問她是否為嫁人做準備？她笑謂：「我呢啲年齡練吓差唔多o架喇，都要學吓呢啲嘢。」

拒貼錢出嫁

提到林夏薇最近秘密閃婚，杏兒就非常佩服對方肯花工夫保密，但決不效法：「咁辛苦喎，為咗件咁開心嘅事。」亦否認倒貼200萬嫁傳聞，更笑謂：「點解要我畀晒？我唔理o架喇，人哋娶得我咪人哋畀！」又指這個工作是無綫在較早前為她接洽，新公司最新消息要稍後才能公布。