周柏豪冇衝動結婚
歌手周柏豪昨日出席電台訪問，他表示新歌《相安無事》講述現時自己30歲的心境：「以前會想每一日都好繽紛，但近呢幾年發生好多事，我婆婆走咗（離世），我養六隻貓又有四隻走咗，依家覺得有時平淡都幾好！」
問到30歲可會有結婚念頭？他表示暫時未有這計劃：「唔想住，冇呢個衝動，同埋大家努力工作先，依家都有唔少機會，衝得幾遠得幾遠！」至於與另一半的相處模式，柏豪坦言較平淡：「好多溝通，好多默契，可能簡單食吓飯已經好開心，同埋唔會係嗰一種要全世界都知道我哋有幾開心嗰哋，所以我平時都好少講自己嘅感情。」