王璐瑤發福多人吼
性感女星王璐瑤（Lulu）與形象指導許嘉浩（Karl）昨日在北角街頭，參與慈善賣旗。身穿T恤短褲的Lulu身形明顯胖了不少，她坦言確是胖了：「依家主要做自己間美容院嘅生意，少咗做幕前，所以鬆懈咗。（肥咗幾多？）依家120磅，之前就一百零幾磅。（仲做唔做幕前？）都會出吓活動，有機會都會做嘅。（有冇被人嫌你肥？）Job嘅話就有，男仔嘅話反而係鍾意我肥啲，多咗人追，但就冇拍拖。師傅話我肥啲旺啲，肥係水，我買啲股票都有賺。（唔做o靚模？）慢慢淡出。」
問到Lulu會否刻意減肥？她則說：「健康同有自信就得。（好似鄭欣宜咁？）我覺得佢幾靚，好有自信，我都欣賞佢，唔係盲目追求瘦，只要開心同健康就得。」
而Karl就表示讀書時已開始做義工，他這次帶了二十套他的寫真postcard來送給買旗善長。