黎瑞恩孖緋聞男友打Golf

早前經身體檢查發現胰臟生良性瘤的藝人黎瑞恩（小恩子）未受病情影響，繼續享受人生。昨日網上見她與一眾藝人朋友，包括區瑞強（Albert）等打Golf及飯聚相片，其緋聞富商男友鄭應南亦在席，相中見小恩子伸脷賣萌，心情靚爆。
患胰臟瘤的黎瑞恩與緋聞富商男友鄭應南齊齊打Golf。
患胰臟瘤的黎瑞恩與緋聞富商男友鄭應南齊齊打Golf。

Albert稱當日是「藝人高爾夫球會」聚會，鄭生屬高爾夫球場老闆之一暨球會贊助人，問到小恩子和鄭生關係？他說：「佢兩個私人嘢我唔知，幾熟都唔講，怕講錯嘢。」而小恩子受訪時就認與鄭生一同晚飯：「佢係榮譽會長，我哋個會搞Party佢梗係嚟啦。（發展中？）又講呢啲，再咁寫我無晒Market。」

晚飯時鄭生亦坐於黎瑞恩旁傍到實。
  • 晚飯時鄭生亦坐於黎瑞恩旁傍到實。