鍾麗緹買一送三 張倫碩嗌抵

45歲的鍾麗緹為二女Jaden慶祝7歲生日，特意與33歲男友張倫碩帶同細女Cayla到迪士尼樂園慶祝，而大女因有事未能同行。一行四人期間表現親切溫馨，看來張倫碩已融入Christy家中！

切蛋糕睇煙花

昨午1時許，他們抵達主題公園，期間不時在園中自拍留念，張倫碩非常照顧Christy兩名女兒，玩機動遊戲時抱實Cayla，又主動幫Jaden攬安全帶，而Jaden對張倫碩也甚有信心，主動攬實其手臂。玩了大半日，至傍晚眾人到餐廳食生日蛋糕，最後看完煙花匯演才離開，期間張倫碩全程攬實Christy，更忍不住親吻對方！之後壽星女Jaden亦在微博上載慶祝生日的靚相：「我今天7歲了，謝謝媽媽帶我來迪士尼玩，生日快樂！」而Cayla亦向家姐祝賀：「好愛你姐姐，生日快樂！」

四人一齊玩雪兜，開心大笑。	壽星女Jaden由媽咪陪住切蛋糕，張倫碩與Cayla等食。	左起：李思捷、張倫碩、鍾麗緹

細女主動錫錫

Christy表示今次是為了滿足Jaden的願望：「二女一直想去主題公園玩，今次終於可以滿足佢！（男朋友同三個女兒關係好好？）演出內地真人騷《如果愛》入面有一part，佢要負責湊細女12個鐘，仲要帶佢去shopping，一日之後佢哋已經好夾，細女仲主動錫佢添！自己都好開心，因為佢好識氹我三個女。（拍拖對象要過女兒關？）必須，因為小朋友等於係我嘅世界，自己係買一送三！」在旁的張倫碩即幽默地說：「這麼大的優惠太好了！」問到會告知女兒即將有新爸爸的出現？Christy則表示：「順其自然，小朋友見到媽咪開心，佢哋都會好開心，同埋三個女都好鍾意靚仔。」

齊齊玩旋轉木馬。

最後節目看煙花匯演。

此外，前晚Christy以deep V性感打扮與張倫碩亮相李思捷主持的《今晚睇李》節目，期間Christy要求張倫碩唱《月亮代表我的心》給她聽，張倫碩隨即清唱，令她冧到爆。

文：名人組