陳偉琪Big波浪人窩藏風情
夏日炎炎，作為運動型可人兒的前港姐陳偉琪（Vicky）在大浪灣毫不吝嗇驕人身材，除了碧波暢泳、玩沙、曬太陽外，更脫掉上衣直奔大海滑浪！惟Vicky卻自嫌身材太好着衫麻煩，寧願用活力和迷人酒窩吸引球場猛男！
前港姐陳偉琪近日趁有藍天白雲，決定換上比堅尼走到大浪灣親近陽光，Vicky歎盡沙灘每個角落，從躺沙灘到躺石，甚至跑到石洞做「高溫」瑜伽至香汗淋漓，之後Vicky熱得脫掉上衣，抱着滑浪板往大海直奔，再趴在滑浪板上享受陽光。
嫌胸大麻煩
Vicky於2013年選港姐時已憑驕人身材成焦點，再配上迷人酒窩，實在令一眾男士甘願拜倒其石榴裙下，堪稱「港版蒼井空」！不過，原來驕人身段未令Vicky引以為傲：「好多人覺得身材係女性好吸引嘅一樣嘢，但我覺得着衫好麻煩，因為成日着衫上面凸咗出嚟，我反而覺得平胸着衫靚啲。」
平時精力滿瀉的Vicky經常單拖打籃球，更自爆有男士曾在球場想結識她。其實Vicky最欣賞有才華的男士，並大讚古明華演技了得，她見過古明華演一場喊戲感動了在場人士，對此為之拜服。
鍾情成熟男
談到擇偶條件，Vicky謂：「唔知咩為之啱嘅年齡，性格唔啱都會好快完。我鍾意啲思想成熟啲嘅男仔，對自己工作有一定執着同要求，同埋一定要有上進心，揀男友都係會揀有才華，唔係睇佢有冇型同有冇錢，呢啲唔係我考慮。」
Profile
陳偉琪（Vicky）
出生日期：1991年5月21日（24歲）
三圍：34E、26.5、35
獎項：
《2011年溫哥華華裔小姐競選》亞軍、最上鏡小姐、最優雅模特兒獎
《2013年香港小姐競選》第五名、現場最受歡迎佳麗獎
曾演出劇集及節目：
《愛‧回家》、《華麗轉身》、《潮拜武當》及《明珠生活》等
文：影視組
攝：劉智源