Coffee巨咪悟空擘腿見紅

藝人林芊妤（Coffee）、魯芬和喬寶寶昨日cosplay不同動漫人物現身動漫節活動，Coffee扮性感女版「悟空」，魯芬則以「魔人布歐」造型示人，喬寶寶臉部和上半身塗黑化身「波波先生」。當中最矚目的莫過於Coffee俯身露事業線，加上一字馬時爆呔露紅底。

魯芬自嘲霸道巴渣

事緣Coffee在台上被要求做一字馬，一不小心就爆呔，露出紅色底褲，但Coffee毫不計較繼續踢腳和表演一字馬。事後問Coffee爆呔一事，她即大驚謂：「你哋又知？」還不停叫記者不要拍她，繼而她又笑言：「好彩我有着打底褲，其實頭先做一字馬都feel到，做嘅時候唔記得拉高番條褲，因為我臨時先知有呢個動作。」

Coffee的一字馬絕技令人拍案叫絕，但仍不及她爆呔搶眼。	喬寶寶與Coffee玩遊戲，艷福無邊。	魯芬扮「魔人布歐」，造型惹笑。

對於魯芬所扮的「魔人布歐」，Coffee直言都想扮，她說：「不過首先要增肥。」造型上搶晒鏡的魯芬笑言：「我邊個都會搶o架啦，我咁肥，個樣咁霸道、咁巴渣。」

每一年動漫節都以不同形象示人的魯芬今年已是第五年參加，她坦言：「感觸良多，都好期待下次。（最想扮咩？）我想做嘅角色好多，之前我幫卡通片配音，好多角色好似猩猩、大象，肥恐龍都想做，同埋花木蘭入面個肥婆，之前都係我配音。」

喬寶寶：阿媽都唔認得

而花了3小時50分鐘化身「波波先生」的喬寶寶笑言「阿媽都唔認得」，問他下次想扮甚麼？他笑言：「冇所謂，上年我試過做阿凡達。（會否同仔仔一齊cosplay？）都有呀，我細仔好鍾意扮唔同卡通，外國好興，好似halloween（萬聖節）咁，細仔會買好多呢啲衫。」

文：名人組