苟芸慧炒車片流出被嘲技術差
藝人苟芸慧上周到珠海練車發生意外，昨日有出事短片流出，見其跑車失控凌空360度翻觔斗數圈才落地，驚險萬分。苟芸慧不知短片如何流出，只表示：「相信係後面架車嘅攝錄機拍到，今次純粹係放假去學車同練車啫，係放假做私人事，已經同公司請咗假去練車，係想Upgrade自己，唔係去賽車。之後都有同經理人同公司講發生意外。（有冇買保險？）每位玩過呢個活動嘅人都知有一定危險性，已買保險。」
無綫製作資源部總監樂易玲表示，苟芸慧已向無綫請假到十月底，得知她想考國際牌和今次去學車：「佢打畀我報平安，我仲笑佢『咁屎(口架)』！今次冇事真係感恩，佢喺休息期間去學車沒有備報必要。」
對於苟芸慧炒車後送院檢查身體無大礙，蓮花盃主辦單位負責人黃毅力昨日接受本報訪問時，表示該車輛與一級方程式賽車設計一樣，車架可保護整個人的身軀，加上苟芸慧發生意外時，也機警地做出恰當的保護動作，因此好好彩地能夠走出車廂。
有玩開賽車活動的莊思敏表示：「意外間中都會發生，曾經目擊過更嚴重都有。我一向都有危機意識，佢係新手就更加要小心啦！」