陳瀅裸貓遮醜險失暈

陳瀅自拍攝無綫劇集《四個女仔三個BAR》後榮升新一代女神，最近決定踩過界，推出圖文並茂的圖像文學《半透明的舞孃》，並遠赴泰國曼谷取景。最吊一班宅男胃口的是，新書中有一輯全裸性感照，陳瀅昨日到電台受訪時，透露拍攝時全裸上陣，只靠貓咪遮三點：「只係着住鞋，冇着衫，但三點不露。用咗隻好罕有(口既)白色貓嚟遮住重要部位，後面有好多棵仙人掌。」

清場大解放

雖然拍攝現場已進行清場，加上由女攝影師操刀，但陳瀅仍然感到非常尷尬：「因為自細都唔會同媽咪、家姐一齊沖涼，同埋浸溫泉、焗桑拿都唔會唔着。」而今次陳瀅決定衝破底線大解放，是為了向一班批評過她身材的人作出大平反，她說：「入行以嚟好多人話我身材唔夠瘦，話我肥，我想同觀眾講，我接受到自己身形。」

陳瀅否認下月才出書是避書展寫真戰。

家有愛犬的陳瀅，拍全裸卻選擇「出貓」遮三點。

放大鏡審閱

問到下本書可會主打寫真照片？陳瀅說：「要睇吓反應係點先，我已經好Proud of自己，未知下一次做咩。」對於今次新書在八月中推出，問是否刻意避開書展的「寫真戰」？她表示：「唔係，因為之前拍緊《潮流教主》，拍劇唔夠瞓、唔夠休息，覺得狀態唔夠好。」

不過最令她一額汗的是，在新書正式印刷前，她再三檢查重要部位時發現露點，險令走光照出街：「我check得好仔細，用放大鏡睇，發現有少少露點，差啲出咗街，所以真係要檢查清楚。」

文：音樂組