林希靈誤打誤撞做主持

無綫主持林希靈身兼兒童節目《Think Big》與收費電視節目《新派煮意》之職。參加無綫網絡電視人才招募而入行的她，坦言做主持是無心插柳：「招募冇話做咩，嗰時啱啱喺加拿大返香港搵工，見到電視廣告幾吸引，誤打誤撞就入咗嚟！」雖然做過娛樂新聞主播，但她指自己於鏡頭前仍然緊張：「想再放鬆啲，同埋拍檔默契再好啲，令節目氣氛高漲啲同開心啲！」她又指以阿Bob（林盛斌）為目標，大讚對方主持拍劇都兼顧得好好！