趙海珠未遇過黑幕

前無綫主播趙海珠（Alison）昨日出席仁濟醫院素食推廣活動，提到同為前主播的陳珍妮出書大爆主播界黑幕，Alison表示有所聽聞，但自己未親身遇過，她認為上司與下屬間的摩擦是正常的事：「我03年畢業就入咗TVB，當時大家都好Fresh，所有嘢都從頭學起，但好融洽，我哋幾個主播仲開咗個Group，依家仲有聯絡。以前未聽過有咩Rules或潛規則，公司只係要求我哋端莊大方，所以唔會染髮同要着西裝（外套）。」