牛雜妹認豬籠入水
「牛雜妹」李美琪（Monnie）、徐佳琦（Jackie）等昨日出席電影慈善場，密密接Job的Monnie是否豬籠入水？她笑謂：「數字都樂觀，但錢唔係最主要，我想接觸多啲唔同嘅工作、識更多人。（賺幾位數？）唔清楚，錢銀上嘅都交畀家姐傾。」她稱會給父母家用：「以前搵一萬都會畀四千蚊爸爸，依家佢反而擔心我唔夠錢，因為做呢行要裝身、打扮。」
獲多間公司招手的Monnie，透露本周內決定簽約新公司，是否簽約蕭定一（阿一）公司？恨拍電影的她說：「會有可能，但唔會答100%。」有傳胡杏兒簽約阿一旗下，她大讚對方是出色演員，希望有機會學演戲。
與馬國明傳緋聞的Jackie，強調以工作為重，感情隨緣：「個個女仔都想搵個有安全感，但緣分未到冇得急。（馬明唔啱你？）大家都好忙。（會考慮佢？）緣分未到。」