龔慈恩掛到失眠教女犯禁
藝人龔慈恩昨出席慈善活動，她透露15歲大女參加澳洲訓練營，因應大會要求而被迫與女兒「失聯」一個月，但她太掛念女兒致失眠，更自爆曾要求女兒偷帶電話，但遭女兒拒絕，龔慈恩直言：「冇得聯絡嘅安排好衰。」
昨日藝人龔慈恩、港姐冠軍邵珮詩、季軍何艷娟及石修父子等於銅鑼灣，亮相「東華三院保齡球慈善大賽」，剛拍畢新戲返港的龔慈恩，透露15歲大女參加了澳洲訓練營，更要被迫與對方「失聯」一個月。她說：「我喺套戲煞科後，就打算放暑假陪吓小朋友，但竟然一個月冇得見大女，佢去嘅訓練營唔畀得人聯絡。」
靠細仔陪伴
憂心的龔慈恩自爆曾求女兒偷帶電話以保持聯絡，竟被對方拒絕：「我求佢收埋電話（入行李），不過佢唔肯，要跟規矩做。」她又直言太掛念女兒而失眠：「好彩有細仔陪我，但都瞓唔到。大女8月中先返嚟，我明白佢大個女要放手，但冇得聯絡嘅安排好衰。」
同場邵珮詩及季軍何艷娟則組成藝人隊出賽，二人打保齡有板有眼。提到今屆大熱港姐佳麗A麥明詩日前於泳裝環節失手露毛？何艷娟表示不太清楚，但直言平常會見傳媒前，會先做好安全措施。
打底防走光
談到穿泳衣難以打底？邵珮詩說：「參選前有人教我哋打底，可能郁動時唔小心。」問到佳麗是否要事先剃毛作準備？何艷娟則表示佳麗會獲安排講座及訓練，以應付各種情況，她又直指今次佳麗露毛應純屬意外。談到佳麗不慎失手走光，會否被扣印象分？何艷娟稱選港姐最重要達致心態平衡：「好視乎心理質素，要（保持）心態平衡。」而邵珮詩則表示佳麗應已學到教訓。
文：影視組