陳翊之放電 瞓身裸膽
全裸演出並不是每個藝人能接受，擁有34C上圍，再加埋一雙純天然、迷死仔的電眼，「翻版陳敏之」新進模特兒陳翊之(Hannah)就坦言願為藝術而大膽全裸，加上落海濕身都絕不計較。Hannah坦言仰慕擁有迷人電眼的梁朝偉，想跟他做對手戲！
有「翻版陳敏之」之稱的模特兒陳翊之擁有一雙迷人的電眼，被電暈的人數不計其數，被稱新一代電眼女神。高挑兼有身材的Hannah自嘲骨骼太大：「如果講索、好骨感嘅女仔，我就唔夠其他香港女仔，但我最自信係對眼，係純天然，之前拍攝嘅時候，啲攝影師話我對眼好似識講古仔咁。」講到天然，Hannah笑言如果整得靚都會想整容。
襟捱乜都試
25歲的Hannah除做模特兒外，亦有意發展演藝和做主持：「我希望好似電眼梁朝偉咁電暈觀眾，佢拍戲好投入，我每次睇佢嘅戲都好容易代入佢嘅角色。如果我將來嘅演戲對手係梁朝偉就最好不過。」Hannah最想成為女強人，連想做的角色亦是女強人，猶似偶像梁朝偉的另一半劉嘉玲事業愛情都成功。
至於擁有姣好身材的她被問到會否介意全裸演出？她大膽敢言：「睇邊方面全裸，好藝術性質、優雅嘅都ok。如果係好嘅發展，可以表現到自己都會試。」以事業為重的Hannah坦言不怕辛苦：「我好捱得（口架），唔怕辛苦，就算之前要瞓海濕身、好污糟，黃昏嘅時候勁凍都絕不介意，只要出嚟效果ok就得。」
失戀喊餐飽
雖則骨骼大，卻擁有一顆容易受傷的心，Hannah正處於單身狀態，談到初戀被傷得深時亦有點語窒。她說：「初戀時咩都唔識，大家價值觀唔同，平時我都唔鍾意喊，但因為男友嘅一句說話喊到死去活來。當時連交代都冇就散咗，冇即刻喊，半年之後先喊，一直都逃避扮冇嘢。（對以後拍拖有陰影？）會冇之前咁投入，提醒自己小心男人。」歷情傷的Hannah現在擇偶不需要以結婚為大前提：「最好就係成熟、低調、有共同價值觀。依家唔會話希望有轟轟烈烈嘅愛情，只望有一段認真、細水長流嘅愛情。」
Profile
中文名：陳翊之
英文名：Hannah
年齡：25歲
身高：1米73
三圍：34C、25、36
印尼mix中國廣西
文：名人組
攝：劉斌