Chris Brown獲釋風騷：好過癮！

現年26歲的Chris原定於周三晚出席在香港舉行的派對活動，不過於菲律賓馬尼拉演出過後，被當地移民局以欺詐罪禁止出境，至今已長達3天，經過Chris多番跪求之下，終於守得雲開見月明，昨晚七時十五分Chris在社交網站Instagram放片宣布獲釋，並即時趕往澳門，進行今日凌晨在新濠天地Club Cubic舉行的派對活動，片段中身在菲律賓機場的Chris一邊行去私人飛機一邊好輕鬆地表示：「在馬尼拉期間好過癮，我愛你們，如果你會去澳門，今晚一齊開P！」

情緒似受影響

查實連日來Chris因不獲准離境而在酒店房上載短片至Instagram「求救」，而昨日凌晨12時左右又發出求救訊號，可見他跪在地上、雙手合十大叫：「求吓你，畀我哋走啦！求吓你！」之後又起身打個後空翻再跪，並以美國總統奧巴馬（Barack Obama）名字作標題，希望對方出手相助！

雖然短片中的Chris看似仲識講笑，但同時又變得感性留言話對自己有所反思，要全心依靠神，一時又留言大發脾氣：「這是好嚴重的情況，今次我被連累當中，有人需要負責、被關起才對，我無做錯任何事！3日前我已經在馬尼拉演出作為補償！」似乎變得情緒失常！

文：外娛組