填詞人黃偉文（Wyman）與麥浚龍（Juno）合作的《念念不忘》三部曲在曝光的短短三日內成為全城熱話，其中Juno與謝安琪合唱的《羅生門》MV點擊更高達過百萬。Wyman預告將會推出周國賢與麥浚龍合唱《雷克雅未克》為三部曲畫上句號：「其實係一個同步發展嘅新故事，佢同男主角一樣，因為一個約定，同時喺福島上等待嗰個十年前喺日本認識嘅女仔，佢哋曾經喺福島睇星，而呢個女仔就係周國賢11年前《目黑》嘅女主角。」
